Yaşayış binasında yanğın oldu

Bu gün paytaxtın Nərimanov rayonu ərazisində yaşayış binasında yanğın hadisəsi baş verib.

AzNews.az-ın məlumatına görə, hadisə rayonun Aşıq Alı küçəsi,4A ünvanında yerləşən binanın 7-ci mərtəbəsindəki mənzilində başlayıb.

Hadisə yerinə cəlb olunan yanğınsöndürmə briqadaları alovun digər mənzillərə ciddi ziyan vurmasına imkan verməyiblər. Yanğın FHN-nin əməkdaşlarının səyi nəticəsində söndürülüb.

Hadisə ilə bağlı xəsarət alan olmayıb.

Faktla bağlı araşdırma aparılır.

AzNews.az