BRIKS qrupu dünyada xüsusi mövqe tutur -İran XİN

BRIKS ölkələri (Braziliya, Rusiya, Hindistan, Çin, Cənubi Afrika) öz imkanlarına görə dünyada xüsusi yer tuturlar.

Aznews.az xəbər verir ki, bu barədə İranın xarici işlər nazirinin iqtisadi məsələlər üzrə müavini Mehdi Səfəri Tehranda İran İslam Respublikası ilə BRİKS arasında əməkdaşlığa həsr olunmuş konfransın açılışında deyib.

İranın Fars xəbər agentliyinin verdiyi məlumata görə, Səfəri : "BRİKS ölkələrinin imkanları bu qrupun dünyada xüsusi yer tutmasına imkan verib". O qeyd edib ki, İranın BRİKS üzvləri ilə iqtisadi sahədə əlaqələrinin potensialı çox yüksəkdir. “Rusiya, Hindistan və Çin İranın regiondakı iqtisadi tərəfdaşları sırasındadır, iqtisadi əlaqələrimiz güclüdür və biz strateji əməkdaşlıq və tərəfdaşlıq qurmuşuq”, - o vurğulayıb.

Bir sıra Qərb ölkələrinin Tehrana qarşı tətbiq etdiyi sanksiyalardan danışan Səfəri İranın “nəqliyyat və enerji sahəsində böyük potensiala malik olduğuna” işarə edib. “BRIKS-in digər ölkələrlə əməkdaşlıqda daha mühüm rol oynaya biləcəyinə heç bir şübhəmiz yoxdur”, - deyə o, davam edib.

Rusiya xarici işlər nazirinin müavini Sergey Ryabkov avqustun 7-8-də İranda səfərdədir. Onun səfərinin gündəliyinə İranın nüvə proqramı ilə bağlı məsələlərin həlli üçün Birgə Hərtərəfli Fəaliyyət Planı ətrafında vəziyyəti və İranın BRİKS qrupu ilə qarşılıqlı fəaliyyətini müzakirə etmək üçün İran Xarici İşlər Nazirliyinin rəhbərliyi ilə görüşlər daxildir.