İran: BMT-nin ballistik raket embarqosu bu gün başa çatır

İran xarici işlər nazirinin müavini Əli Bakıri Birləşmiş Millətlər Təşkilatının Təhlükəsizlik Şurasının (BMT TŞ) İrana qarşı tətbiq etdiyi ballistik raket embarqosunun bu gündən etibarən sona çatdığını bildirib.

Aznews.az xəbər verir ki, Əli Bakıri X sosial media platformasındakı paylaşımında məsələ ilə bağlı açıqlama verib.

İran rəsmisi, "BMT Təhlükəsizlik Şurasının 2231 saylı fərmanı çərçivəsində İrana tətbiq etdiyi ballistik raketlərə qarşı ədalətsiz embarqo oktyabrın 18-də başa çatır. İran artıq BMT Təhlükəsizlik Şurası çərçivəsində heç bir məhdudiyyətə məruz qalmır",-deyə qeyd edib.

İran ilə BMT Təhlükəsizlik Şurasının beş daimi üzvü olan ABŞ, Çin, Rusiya, İngiltərə, Fransa və Almaniya arasında İranın nüvə fəaliyyətinə dair danışıqlar 14 iyul 2015-ci ildə əldə olunmuş razılaşma ilə yekunlaşıb. 6 gün sonra bu razılaşma BMT TŞ-də səsə qoyulub və 2231 saylı fərman olaraq qəbul edilmişdi.

Mövsüm