• Paytaxt
  • 11 Dekabr 2020 13:15
  •  387

Prezident Xarici Kəşfiyyat Xidmətinin strukturunda dəyişiklik edib

İlham Əliyev fərman imzalayıb

"Azərbaycan Respublikası Xarici Kəşfiyyat Xidmətinin strukturu"nda dəyişiklik edilib.

AzNews.az-ın məlumatına görə, Prezident İlham Əliyev bununla bağlı fərman imzalayıb.

Fərmanla həmçinin “Azərbaycan Respublikası dövlət büdcəsinin vəsaiti hesabına saxlanılan Azərbaycan Respublikası Xarici Kəşfiyyat Xidmətinin hərbi qulluqçularının və Azərbaycan Respublikası Xarici Kəşfiyyat Xidmətinin sisteminə işə götürülən işçilərin ştat sayının həddi”ndə və “Azərbaycan Respublikasının Xarici Kəşfiyyat Xidmətində ali hərbi rütbəli vəzifələrin siyahısı”nda dəyişiklik təsdiq edilib.

Nazirlər Kabinetinə bu fərmandan irəli gələn məsələləri həll etmək tapşırılıb.