Bakıda “NAZ-Lifan” oğurlandı

Fevralın 2-də Qaradağ rayonunun Lökbatan qəsəbəsindən İsmayıllı rayon sakini Zülfü Əhmədova məxsus “NAZ-Lifan” markalı avtomobil qaçırılıb.

AzNews.az Daxili İşlər Nazirliyinin saytına istinadən xəbər verir ki, avtomobil fevralın 3-də Bakı Şəhər Baş Polis İdarəsinin Təhlükəsiz Şəhər Xidməti əməkdaşları tərəfindən Yasamal rayonu ərazisindəki maşın bazarında aşkar edilib.

Həyata keçirilən tədbirlərlə avtomobili qaçıran Bakı şəhər sakini Camal Məmmədov tutulub.