Xocalıdakı dəhşətlərin ilk şahidi Gəncədə - Foto

Azərbaycana səfərə gələn Xocalı qətliamının ilk şahidi, ukraynalı pilot Kraveç Leonid Markoviç Gəncəyə gedib.

AzNews.az verir ki, pilotu Ukrayna Azərbaycanlılarının Birləşmiş Diasporunun sədri Hikmət Cavadov və bir neçə tanınmış media rəhbəri müşayiət edir. Əvvəlcə nümayəndə heyətini Gəncə Şəhər İcra Hakimiyyətinin başçısı Elmar Vəliyev qəbul edib.

Pilot səfəri çərçivəsində vaxtilə uçuşlar həyata keçirdiyi Gəncə aeroportuna və xidmət etdiyi hərbi hissəyə gedəcək.

Məlumat üçün bildirək ki, Leonid Markoviç Azərbaycana Ukrayna Azərbaycanlılarının Birləşmiş Diasporunun təşkilatçılığı ilə gəlib. Onun ölkəmizə səfəri çəkildiyi "Pilot" filminin təqdimatı ilə bağlıdır.