Sabiq Təhsil naziri Misir Mərdanov qohumunun MTN tərəfindən şantaj olunması haqda xəbərə münasibət bildirib. Sabiq Təhsil naziri Misir Mərdanov qohumunun MTN tərəfindən şantaj olunması haqda xəbərə münasibət bildirib.

“Mənimlə Eldar Mahmudov arasında...” - Misir Mərdanov

Sabiq Təhsil naziri Misir Mərdanov qohumunun MTN tərəfindən şantaj olunması haqda xəbərə münasibət bildirib.

AzNews.az xəbər verir ki, eks-nazir gununsesi.info-ya açıqlamasında bildirib ki, Eldar Mahmudovla birgə çalışdıqları dönəmdə hər hansı problemi olmayıb: “Mənimlə nə Eldar Mahmudov, nə də MTN arasında gərginlik olmayıb. Şantaj olunmamışam. Allahverdi Dəmirov isə xalam oğlu deyil. Yalan xəbərdir”.

Xatırladaq ki, MTN işi üzrə zərərçəkənlərdən biri kimi tanınan biznesmen Allahverdi Dəmirovun Misir Mərdanovun qohumu-xalası oğlu olduğu deyilir. Dəmirov Allahverdi Hüseyn oğlu ifadəsində göstərib ki, 2005-ci ildə “Dəmirli Yol tikinti” MMC-ni təsis edib. Həmin cəmiyyətin fəaliyyəti yolların təmiri və tikintisini həyata keçirməkdən ibarət olub.

2015-ci ilin oktyabr ayının 6-da saat 15 radələrində “Amor” şadlıq evinin altında yerləşən restoranda oturub yemək yeyərkən 3 şəxs ona yaxınlaşıb xidməti vəsiqələrini göstərərək özlərini MTN əməkdaşları kimi təqdim edib onu aparıblar.

AzNews.az