- Köhnə - Cəmiyyət
- 26 Yanvar 2017 15:48
- 3 179
“Deyirdilər oğurluqdu, biz də alırdıq” - Akkumuliyator oğruları saxlanıldı
Sumqayıt Şəhər Polis İdarəsi əməkdaşları mülkiyyət əleyhinə olan, xüsusən yük avtomaşınlarından ehtiyat hissələri oğurlayan şəxslərə qarşı xüsusi əməliyyat-axtarış tədbiri həyata keçirib.
ARB TV xəbər verir ki, nəticədə bu cinayətləri törətməkdə təqsirli bilinən Sumqayıt şəhər sakinləri – Vadim Məmmədov, Nicat Heydərov və Nurlan Əbilov saxlanılaraq məsuliyyətə cəlb ediliblər: "Satıb pulunu da xərcləmişik"
İlkin ifadələri zamanı dəstə üzvləri Sumqayıt şəhəri və ətraf ərazilərdən 10-dan artıq yük avtomobilinin akkumulyatorunu oğurladıqlarını etiraf ediblər.
Sumqayıt ŞPİ əməkdaşları tərəfindən əməliyyat tədbirlərinin davamı olaraq, oğurluq akkumulyatorları alan metal qəbulu məntəqələrinin sahibləri də müəyyən edilərək məsuliyyətə cəlb ediliblər: "Deyirdilər ki, oğurluqdu, biz də alırdıq".
Qeyd edilən faktla bağlı Sumqayıt ŞPİ-nin İstintaq Şöbəsində Cinayət Məcəlləsinin müvafiq maddələri ilə cinayət işləri başlanılıb, araşdırmalar davam etdirilir.
AzNews.az