Salyanda 37 yaşlı kişini ilan sancdı

Salyan rayonunda ilansancma hadisəsi baş verib.

AzNews.az Report-a istinadən xəbər verir ki, hadisə rayonun Qardili kəndi ərazisində qeydə alınıb.

İlkin məlumata görə, 37 yaşlı kənd sakini Rəhim Əliyar oğlu Manafov yonca sahəsində biçilmiş ot yığarkən ayağından ilan sancıb. O, dərhal Salyan Mərkəzi Rayon Xəstəxanasına çatdırılıb, zəhər əleyhinə zərdab vurulduqdan sonra müəssisənin Reanimasiya şöbəsinə yerləşdirilib.

Xəstənin vəziyyətinin orta ağır olduğu bildirilir.