Sonuncu qəbuldan sonra Azərbaycanda hər 10 min nəfərə 11 vəkil düşür. Sonuncu qəbuldan sonra Azərbaycanda hər 10 min nəfərə 11 vəkil düşür.

Azərbaycanda hər 10 min nəfərə 11 vəkil düşür

Sonuncu qəbuldan sonra Azərbaycanda hər 10 min nəfərə 11 vəkil düşür.

Trend-in məlumatına görə, bunu jurnalistlərə açıqlamasında Azərbaycan Vəkillər Kollegiyasının sədri Anar Bağırov deyib.

O qeyd edib ki, gələcəkdə vəkillərin sayı hər ay artacaq:

"Biz nəzərdə tutmuşuq ki, yaxın bir neçə ay ərzində 100 nəfərdən çox namizədi vəkilliyə qəbul edək. Bu, sonuncu qəbul deyil. Daha bir qəbul keçiriləcək. May ayı ərzində təxminən 200 nəfərə yaxın namizəd vəkilliyə sənəd verib. Beləliklə, artıq iyun ayında 10 000 nəfərə haradasa 12 vəkil düşəcək. Təbii ki, bu rəqəm getdikcə artacaq. Bu, sevindirici haldır".

Bununla belə, A.Bağırov qeyd edib ki, vəkillərin sayını kortəbii şəkildə artırmaq olmaz:

"Biz çalışırıq ki, savadlı, hazırlıqlı, təcrübəli hüquqşünaslar vəkilliyə qəbul olunsun. Çünki bizim mövqeyimiz ondan ibarətdir ki, vəkillərin hazırlığı, bilil səviyyəsi heç də hakimdən, prokurordan aşağı olmamalıdır. Vəkilin işi bəlkə də onlardan daha çətindir".

AzNews.az