Azərbaycanda yeni ünvanlar qüvvəyə minəcək

Azərbaycanda yeni qaydalarla verilmiş ünvanlar bu ilin sonundan qüvvəyə minəcək. Trend-in məlumatına görə, bu barədə ölkənin Daşınmaz Əmlak məsələləri üzrə Dövlət Komitəsinin jurnalı- "Daşınmaz Əmlak"da bildirir.

Bu ilin əvvəlindən Azərbaycanda yeni qaydalara uyğun şəkildə binaların girişlərinə ünvan verilməsi prinsipi əsasında ünvanların müəyyən edilməsi işlərinə başlanılıb.

Məqalədə bildirilir: "Yalnız Bakı şəhəri üzrə 1500-dən çox küçə və prospekti əhatə etməklə binalara və girişlərə yeni qaydalarla ünvan lövhələrinin vurulması ilin sonunadək başa çatdırılacaq. Yaxın zamanlarda Gəncə və Sumqayıt şəhərlərində bu lövhələrin vurulması işlərinə başlanacaq. Respublikanın digər şəhər və rayonlarında bu işlərin həyata keçirilməsi məqsədilə hazırlıq işləri aparılır".

AzNews.az