Zakir Həsənovun sabiq müavini: “Danışan kimi internetə yayırsınız”

Azərbaycanın Müdafiə nazirinin müavini, general-leytenant Çingiz Məmmədov nazir, general-polkovnik Zakir Həsənovun əmri ilə tərxis olunmasına münasibət bildirməkdən imtina edib.

Sabiq nazir müavini Ç.Məmmədov Publika.az-a açıqlamasında vəzifədən getməsi barədə danışmaq istəmədiyini söyləyib:

"Hər şey normaldır, öz işimdəyəm. Heç nə danışmayacam. Danışan kimi internetə yayırsınız. Nə danışıramsa, hamısını yazırsınız".

Xatırladaq ki, ötən həftə Azərbaycanın müdafiə nazirinin müavini, general-leytenant Çingiz Məmmədov Prezidentin sərəncamı ilə tərxis olunub. Onu general-leytenant Kərim Vəliyev əvəzləyib.

AzNews.az