Avtobus sürücülərinə yeni vahid geyim və qalstuk paylandı

“Artıq Bakıda sərnişin nəqliyyatında işləyən sürücülərə vahid forma paylanılıb. Geyim “kərpic” rəngli köynək, tünd göy rəngli şalvar və pencəkdən ibarətdir”.

Bu barədə Modern.az-a Nəqliyyat Nazirliyi yanında Dövlət Avtomobil Xidmətinin səlahiyyətli nümayəndəsi Əmrah Cəfərov deyib.

Nazirlik rəsmisi qeyd edib ki, vahid forma dəstinin içərisində qalstuk da var: "Hələ ki qalstukdan istifadə etməyəcəklər. Amma Avropa Oyunları zamanı mütləq tətbiq ediləcək".

Qeyd edək ki, sərnişin kimi hələ bu geyimdə olan sürücülərə rast gəlinməyib.