Neftçala rayonunun 104 yaşlı sakini birinci səs verdi

Neftçala rayonunun Yuxarı Qaramanlı kəndinin 104 yaşlı sakini İsrafil Sailov 61 saylı Neftçala seçki dairəsi dairə seçki komissiyasının 26 saylı seçki məntəqəsinə hamıdan tez gələrək bələdiyyə orqanlarına namizədlər arasında özünün layiq hesab etdiyi şəxsə səs verib.

AzNews.az AzərTAc-a istinadən xəbər verir ki, İ.Sailov bütün həyatı boyu seçkilərdə iştirak etdiyini və həmişə də birinci səs verənlər arasında olduğunu deyib.

İsrafil baba bunu özünün vətəndaşlıq borcu hesab etdiyini söyləyib.

Ümumiyyətlə, 61 saylı Neftçala seçki dairəsi üzrə budəfəki bələdiyyə seçkilərində yaşı 100-dən yuxarı olan 4 seçici iştirak edib.