Prezident Heydər Əliyev Mərkəzinin Əsasnaməsini təsdiq etdi

Azərbaycan prezidenti İlham Əliyev "Heydər Əliyev Mərkəzinin Əsasnaməsi"nin təsdiq edilməsi haqqında fərman imzalayıb. Heydər Əliyev Mərkəzinin aparatının işçilərinin say həddi 154 ştat vahidi müəyyən edilib.

Nazirlər Kabinetinə tapşırılıb ki, cari ilin sonuna kimi Heydər Əliyev Mərkəzinin fəaliyyəti ilə bağlı tələb olunan vəsaitin ayrılmasını müvafiq qaydada təmin etsin, 2013-cü il və növbəti illər üçün dövlət büdcəsi layihəsində Heydər Əliyev Mərkəzinin fəaliyyətinin maliyyələşdirilməsi üçün ayrıca sətirlə müvafiq vəsaitin nəzərdə tutulmasını təmin etsin, fərmandan irəli gələn digər məsələləri həll etsin.

AzNews.az