16 805 nəfər seçim etdi

Ali məktəblərin boş qalan yerlərinə ixtisas seçimi yekunlaşıb.

Tələbə Qəbulu üzrə Dövlət Komissiyasının (TQDK) mətbuat xidmətindən Aznews.az-a verilən məlumata görə, ali təhsil müəssisələrinin bakalavriat səviyyəsinə boş qalan plan yerlərinə və tam orta təhsil bazasında (11 illik) orta ixtisas təhsili müəssisələrinə ixtisas seçimi dünən saat 00.00-da başa çatıb. Bu müddətdə 16 805 abituriyent ali məktəblərin boş yerlərinə və kolleclərə ərizə verib.

Qeyd edək ki, dövlət və özəl ali təhsil müəssisələrinə ümumilikdə 6 555 yer boş qalıb.

Yerləşdirmənin nəticələrinin bu gün axşam saatlarında elan ediləcəyi gözlənilir.

Xalid