- Köhnə - Cəmiyyət
- 25 Yanvar 2016 16:30
- 3 572
Bakıda iki yolda sürət həddi azaldı
Bakıda iki yolda sürət həddi aşağı salındı.
Nəqliyyatın İntelektual İdarəetmə Mərkəzindən (NİİM) AzNews.az-a verilən məlumata görə, hava şəraiti ilə əlaqədar iki avtomobil yolunda sürət həddi aşağı salınıb.
"Hava şəraiti ilə bağlı olaraq Böyükşor - Heydər Əliyev beynəlxalq Hava limanı - Mərdəkan dairəsi - Bilgəh istiqamətində avtomobil yolunda sürət həddi iki zolaqda 120 km/saatdan 100 km/saata, bir zolaqda 100 km/saatdan 80 km/saata, axırıncı zolaqda isə 80 km/saatdan 60 km/saata endirilib.
Eyni zamanda Zığ dairəsi - Heydər Əliyev beynəlxalq Hava limanı avtomobil yolunda isə sürət birinci zolaqda 120 km/saatdan 100 km/saata, ikinci zolaqda 100 km/saatdan 80 km/saata, üçüncü zolaqda isə 80 mk/saatdan 60 km/saata qədər azaldılıb", - deyə qurumdan bildirdilər.
NİİM-dən verilən məlumata görə, hava şəraiti normallaşan kimi sürət həddi yenidən bərpa olunacaq.