Bu ölkədə 134 mindən çox toyuq məhv ediləcək

Bu barədə NHK telekanalı bildirib

Yaponiya hakimiyyəti ölkənin qərbindəki Hiroşima prefekturasında “quş qripi”nin yayılmasını qeydə alıb.

AzNews.az xəbər verir ki, xəstəliyin mərkəzi Mihara şəhərindəki quşçuluq təsərrüfatlarından biridir. Orada həftə sonu 11 toyuq ölüb və hadisə yerinə gələn mütəxəssislər bunun “quş qripi” ilə əlaqəli olduğunu təsdiqləyiblər.

Bununla əlaqədar olaraq, bölgədə 134 mindən çox toyuğun məhv edilməsi və sanitariya nəzarətinin təmin edilməsi üçün bir sıra tədbirlər görülməsi barədə müvafiq əmr verilib.