Dəriyə pilinqi necə edək?

Quru dəri, ekzema və sədəf (psoriaz) kimi digər sağlamlıq problemlərində olduğu kimi, üz dərisində də qabıqlanmaya səbəb ola bilər. Soyuq hava, isti duşlar və xüsusilə qış aylarında aşağı rütubət səviyyəsi dərinin soyulmasına gətirib çıxarır. Makyaj edən insanlar üçün isə soyulan dərini örtmək problemi daha da ağırlaşdıra bilər. Üz dərisinin soyulmasından xilas olmaq üçün pilinq qısa və təsirli bir həll hesab olunur. Bəs pilinq nədir, necə edilir?

Aznews.az xarici mediaya istinadən pilinq haqda məsləhətləri təqdim edir:

PİLİNQ NƏDİR, NECƏ EDİLİR?
Pilinq dəri baxımı sahəsində tez-tez istifadə olunan üsullardan biridir. Üz təmizləmək və ölü dərini atmaq üçün müxtəlif pilinq məhsullarından istifadə olunur. Bu məhsullar dərini kirdən təmizləyərək ona canlılıq verir və dərinin yenilənməsində çox təsirlidir. Pilinqin tətbiqi isə sadədir: üzə masaj etdikdən sonra bol su ilə yumaq kifayətdir.

Dəri baxımı mərhələlərindən biri olan pilinq üz üçün edilən təmizlik prosesidir və masajla birlikdə tətbiq olunur. İstifadə olunan pilinq məhsulu dəriyə yumşaq şəkildə sürtülərək təmizləmə məqsədi daşıyır.

Dəri baxımı sektorunda çox sayda pilinq məhsulu mövcuddur. İnsanlar öz dərilərinə uyğun məhsulu seçirlər və bunun üçün məhsulun tərkibini və mümkün yan təsirlərini araşdırırlar. Pilinq ümumilikdə zərərsiz prosesdir, lakin yanlış məhsul seçimi başqa problemlərə səbəb ola bilər.

Pilinq məhsulundan düzgün istifadə etmək vacibdir. Dəriyə zərər vermədən tətbiq olunmalı, çox uzun müddət saxlanmamalı və mütləq bol su ilə yuyulmalıdır.

PİLİNQ NƏ İŞƏ YARAYIR?

Pilinq məhsulları dərini ölü hüceyrələrdən təmizləməyə kömək edir. Kir və ölü dərini aradan qaldıraraq dərini daha təmiz və parlaq edir. Bundan əlavə, dərinin parlaqlığını artırır və tonun bərabərləşməsinə kömək edir. Bu məqsədlərə uyğun müxtəlif pilinq növləri mövcuddur.

Pilinq tətbiqi adətən bol su ilə yuyulma ilə tamamlanır. Maskalı pilinq növləri də mövcuddur. İstifadə etdiyiniz məhsulun təlimatına uyğun hərəkət etmək vacibdir.

PİLİNQ NÖVLƏRİ
Pilinq məhsulları üç əsas kateqoriyaya bölünür. Bu bölgü onların təsir gücünə əsaslanır. Hansı pilinqin seçilməsi dərinin ehtiyacına uyğun olmalıdır. Buna görə seçim zamanı mütəxəssis məsləhəti almaq faydalıdır.

PİLİNQİN YAN TƏSİRLƏRİ VARMI?
Bir çox pilinq məhsulunun ciddi yan təsiri yoxdur. Yan təsirlər adətən şəxsin dəri tipindən asılı olaraq ortaya çıxır, çünki hər dərinin xüsusiyyəti eyni deyil.

Bəzi dərilər daha həssas olur və bu halda pilinq qıcıqlanma yarada bilər. Yan təsirlərdən biri dəridə ləkələrin yaranması ola bilər. Belə halda məhsul uyğun deyil və istifadəsi dayandırılmalıdır.

Daha ciddi hallarda allergik reaksiyalar da baş verə bilər. Buna görə pilinq məhsulu seçərkən onun tərkibini bilmək və uyğunluğunu yoxlamaq vacibdir.

Nuray, AzNews.az