Spiker casusluqda ittiham olundu, Ermənistan qarışdı

"Mirzoyan seçim qarşısında qoyulub və hər iki ölkəyə cəsusluq etməyə razılaşıb"

Qarabağ döyüşlərində ağır məğlubiyyətə uğradıqdan sonra Ermənistan daxilində qarşılıqlı ittihamlar səngimək bilmir. Bu ölkənin Vatikandakı keçmiş səfiri Mikael Minasyan növbəti qalmaqalın əsasını qoyub.

AzNews.az Musavat.com-a istinadən xəbər verir ki, o, parlament sədri Ararat Mirzoyanı Türkiyənin xeyrinə cəsusluq fəaliyyətində ittiham edib və bu ittiham Ermənistanda bomba effekti verib. Minasyanın iddiasına görə, Türkiyə xüsusi xidməti Mirzoyanı ABŞ-da ələ alıb. Hansı ki, o zaman A.Mirzoyan qondarma “erməni soyqırımı”nı tanıtmaq prosesilə məşğul olurmuş. Diplomat onu da əlavə edib ki, Mirzoyan o zaman “erməni genosidi” muzey-institutunda nə baş verdiyi barədə informasiyaları ötürməyə razılaşıb. Minasyanın iddiasına görə, erməni xüsusi xidmət orqanları bundan xəbər tutandan sonra Mirzoyan seçim qarşısında qoyulub və hər iki ölkəyə cəsusluq etməyə razılaşıb.

Mikael Minasyan

Diplomatın erməniləri şoka salan bu ittihamlarına A.Mirzoyanın reaksiyası gecikməyib. Spuker Serj Sərksiyanın kürəkəninin ittihamlarını cəfəngiyyat adlandırıb və hüquqi müstəvidə cavab veriləcəyini deyib. “Mikael Minasyanın növbəti cəfəngiyyatı hüquqi qiymətini almalıdır”, deyən spiker bildirib ki, o, yalan donoslarına görə cavab verməlidir.