Ermənistanda 7 nazir istefaya göndərildi

Ermənistandakı siyasi böhran dövlət idarəetmə sisteminin təbii ritminə mənfi təsir göstərir

Bunu erməni analitik Serob Antinyan deyib.

Ermənistan hökumətindəki son istefalar və təyinatları şərh edən S.Antinyan bildirib ki, ən yüksək səviyyədə kadr dəyişikliyi idarəetmə elmi baxımından birmənalı qarşılanmır. Bu, əslində işləməyən, gözləmə rejimində olan dövlət idarəetmə sistemində ciddi böhran olduğunu göstərir. Eyni zamanda, verilən tapşırıqları effektiv həll edə bilən mütəxəssislərin ciddi çatışmazlığı var.

Onun fikrincə, başqa sahələrdən olan şəxslərin siyasi qərarlar qəbul etməli və sahəyə hakim olmalı olan nazir və müavinləri vəzifələrinə təyin olunması bunun bariz sübutudur.

Qeyd edək ki, Qarabağ müharibəsindən sonra Ermənistanda 7 nazir istefaya göndərilib. Son olaraq yanvarın 18-də Arsen Torosyan səhiyyə naziri vəzifəsini tərk edib. 20 yanvarda isə Narine Xaçaturyan təhsil, elm, mədəniyyət və idman nazirinin müavini vəzifəsindən istefa verib. (publika.az)

AzNews.az