"Saçaqlı pendir"in antisanitar şəraitdə hazırlanması aşkar edilib "Saçaqlı pendir"in antisanitar şəraitdə hazırlanması aşkar edilib
  • Mahal
  • 18 İyul 2019 17:17
  •  5 096

Bu pendiri almayın - AQTA-dən əhaliyə xəbərdalıq

"Saçaqlı pendir"in antisanitar şəraitdə hazırlanması aşkar edilib

Bərdədə növbəti antisanitar şəraitdə fəaliyyət göstərən pendir sexi aşkarlanıb.

AzNews.az xəbər verir ki, Azərbaycan Qida Təhlükəsizliyi Agentliyi əhalinin təhlükəsiz qida məhsulları ilə təmin edilməsi məqsədi ilə mütəmadi olaraq monitorinqlər həyata keçirir. Həyata keçirilən monitorinqlər zamanı agentliyin əməkdaşları tərəfindən Bərdə rayonu, Bəciravan kəndi ərazisində antisanitar şəraitdə fəaliyyət göstərən pendir sexi aşkarlanıb.

Qanunsuz fəaliyyət göstərən sexə baxış zamanı məlum olub ki, müəssisədə qida təhlükəsizliyi sahəsində texniki-normativ hüquqi aktların tələblərinə əməl edilmədən “saçaqlı pendir” istehsal olunur.

Sexdə heç bir soyuducu sistemdən istifadə edilmədiyi, istehsalatda laborator analiz, plasterilizasiya, dezinfeksiya, deratizasiya tədbirlərinin həyata keçirilmədiyi, qablaşdırılmanın düzgün aparılmadığı, pendirin antisanitar şəraitdə hazırlandıqdan sonra hisə verilərək satışa çıxarıldığı aşkar edilib.

Faktla bağlı qanunvericiliyin tələbləri çərçivəsində tədbirlər görülüb və müəssisənin fəaliyyəti məhdudlaşdırılıb.

Bahar RÜSTƏMLİ

AzNews.az