Tehran terrorunda şübhəli şəxslər həbs edildi- 41 nəfər

İranın təhlükəsizlik qüvvələri Tehranda parlament binası və Ayətullah Xomeyninin türbəsinə hücum edən terrorçularla əlaqədə olmaqda şübhəli bilinən 41 nəfəri həbs edib.

AzNews.az xarici mətbuata istinadən xəbər verir ki, Daxili İşlər Nazirliyinin məlumatına görə, şübhəlilərin evindən çoxlu sayda silah və sənədlər də müsadirə olunub.

Tehranda törədilən ardıcıl terror aktları nəticəsində 17 nəfər ölüb, onlarla insan yaralanıb.

Hücuma görə İŞİD qruplaşması məsuliyyəti öz üzərinə götürüb.

Bəxtiyar Abbasov

AzNews.az