İŞİD-in əsas maliyyəçilərindən biri məhv edildi

ABŞ-ın rəhbərlik etdiyi beynəlxalq koalisiya Suriyada İŞİD-in əsas maliyyəçilərindən birinin məhv edildiyini bildirib.

AzNews.az xəbər verir ki, bu barədə "TASS" agentliyi koalisiya qüvvələrinin qərargahının bəyanatına istinadən məlumat verib.

Öldürülən şəxs Fəvvaza Məhəmməd Cubeyr ar-Rauidir. O, İŞİD üzvlərinin terror hücumlarını təşkil etməsi üçün milyonlarla dollar pul köçürüb.

Suriya əsilli ar-Raui təcrübəli terror maliyyəçisidir. Onun İraq sərhədinə yaxın olan ərazidə, Suriyanın şərqində, Əbu-Kamalda bir neçə mübadilə məntəqəsi var.

Bəyanatda onun iyunun 16-da endirilmiş hava zərbəsi nəticəsində öldürüldüyü qeyd olunub.

AzNews.az