Mahmud Əhmədinejad dəfn mərasimində iştirak edəcək

İran prezidenti Mahmud Əhmədinejad Venesuelaya səfər edəcək. APA-nın məlumatına görə, səfərdə məqsəd Venesuela prezidenti Uqo Çavesin cümə günü keçiriləcək cənazə mərasiminə qatılmaqdır

Qeyd edək ki, martın 6-da M. Əhmədinejadın iştirakı ilə keçirilmiş Nazirlər Kabinetinin iclasında U. Çavesin xatirəsinə və Venesuela xalqına hörmət məqsədilə ölkədə bir günlük matəm elan edilib. İran prezidenti Venesuela xalqına ünvanladığı başsağlığı məktubunda isə U. Çavesin ölümündən böyük kədər hissi keçirdiyini bildirib: "Venesuela xalqı cəsur və igid bir övladını, dünya isə müdrik və inqilabçı bir lideri itirdi".

AzNews.az