Ukraynada amerikalı keşiş öldürüldü

Ukraynanın Odessa şəhərində amerikalı keşiş (pastor) öldürülüb.

AzNews.az-ın dünya mətbuatına istinadən verdiyi məlumata görə, Odessada yerli kilsələrin birində xidmət edən amerikalı keşiş kirayə qaldığı mənzilində ölü halda tapılıb. Ukrayna polisi bildirib ki, keşişin üzərində işgəncə əlamətləri olub. Eyni zamanda onun mənzilindən qiymətli əşyaların oğurlandığı məlum olub.

Qeyd edək ki, olayla əlaqədar iki şübhəli nəzarətə alınıb.