İraqda daha 12 nəfər edam edildi

İraqda terror fəaliyyətində ittiham olunanlara qarşı 12 ölüm cəzası həyata keçirilib.

"Report" "İnterfaks"a istinadən xəbər verir ki, İraq hökuməti bəyanatında edamların Baş nazir Hayder əl-Abadinin fərmanına əsasən yerinə yetirildiyi bildirilib.

Qeyd edək ki, edamlar baş nazirin cəzaların tezliklə icra edilməsinə çağırışdan bir neçə saat sonra baş tutub.

Edam edilənlərin hamısı İraq Təhlükəsizlik Xidmətinin 7 əməkdaşının qaçırılması və öldürülməsində günahkar bilinib.

AzNews.az