Əfqanıstanda partlayış - Ölən və yaralılar var

Əfqanıstanın Loqar əyalətində partlayış baş verib.

APA-nın RT-yə istinadən verdiyi xəbərə görə, minalanmış avtomobilin partladılması nəticəsində 1 dinc sakin ölüb, daha 4-ü yaralanıb.

Məlumata əsasən, hədəfdə NATO qüvvələrinin konvoyu olsa da, hərbçilər arasında zərərçəkən olmayıb.

İnsidentə görə məsuliyyəti hələ ki heç bir qruplaşma öz üzərinə götürməyib.

Qeyd edək ki, iyulun 1-də Əfqanıstanın Cəlalabad şəhərində törədilən partlayış nəticəsində 19 nəfər ölüb.

AzNews.az