Çində təyyarə qəzası - Ölən var

Çinin cənubunda, Xaynan vilayətində kiçik amfibiya təyyarəsi qəzaya uğrayıb.

Trend-in "Sinxua" agentliyinə istinadən verdiyi məlumata əsasən, hadisə nəticəsində bir nəfər ölüb, daha bir nəfər isə itkin düşüb.

Qəza təlim uçuşu zamanı Vannin şəhərində baş verib. Təyyarənin göyərtəsində iki pilot olub.

İkinci pilotun axtarışları davam etdirilir. Qəzanın səbəbləri araşdırılır.

AzNews.az