“Sünnət” qətnaməsinə İsrail etiraz etdi

İsrail Xarici İşlər Nazirliyi (XİN) bu gün Avropa Şurasının Parlament Assambleyasına (AŞPA) müraciət edərək körpə oğlan uşaqlarına dini məqsədlə sünnət edilməsini tənqid edən qətnaməni ləğv etməyi tələb edib. ANS PRESS İsrail mətbuatına istinadən bildirir ki, Təl-Əviv qətnaməni AŞPA-nın "etibarına ləkə" kimi dəyərləndirib.

Qurum bu həftə qəbul edilmiş sənəddə yəhudilərin və müsəlmanların dini adəti olan sünnəti "uşaqların fiziki toxunulmazlığına qarşı zorakılıq" kimi dəyərləndirib. AŞPA öz üzvlərinə uşaqlara qarşı bu cür əməliyyatlar keçirilməsinə mane olan qanunlar qəbul edilməsini tövsiyyə edib.

AzNews.az