Sığınacaq axtaranlarla bağlı inanılmaz STATİSTİKA - Foto

İtalyanın Siciliya adası sahillərində son 24 saat ərzində təşkil edilən əməliyyatda 700 sığınacaq axtaran şəxsin həyatı xilas edilib.

AzNews.az-ın yerli mediaya istinadən verdiyi məlumata görə, İtaliya donanması batmaq təhlükəsi ilə üz-üzə qalan 5 qayıqdakı şəxsləri xilas edib.

Bu ayın əvvəlində isə batmaq təhlükəsi ilə üzləşən 366 sığınacaq axtaran şəxsin həyatı xilas edilib. İtaliya dəniz orqanları sahil sularında davamlı olaraq patrul xidməti həyata keçirərək, bənzər faciələrin qarşısını almağa çalışır. Yalnız bu il İtaliya sahillərində çoxu Somali və Eritreyadan olan 33 mindən çox sığınacaq axtaran şəxs qeydiyyata alınıb.

Bu gün isə Brüsseldə bir araya gələn Avropa Birliyi liderləri sığınacaq axtaran şəxslər barədə böhranın müzakirəsinə başlayıblar.


İbrahim Kamiloğlu
AzNews.az