Şumaxerin palatasına hücum oldu

İki nəfər naməlum şəxs məşhur avtopilot Mixail Şumaxerin yatdığı palataya soxulub. Onların saxlanıldığı deyilir. Bu barədə Fransa mətbuatı məlumat yayıb. Məlumatda deyilir ki, iki nəfər naməlum şəxs almaniyalı məşhur avtopilot Mixail Şumaxerin palatasına girmək istəyib.

Xəstəxanada işçilərin və mühafizənin azlığından istifadə edərək içəri daxil olan hər iki şəxsin qarşısı vaxtında alınıb. Kimlikləri bəlli olmayan şəxslər Şumaxerin şəklini çəkmək istəyirmişlər. Polis mühafizənin gücləndirildiyini açıqlayıb.

Xatırladaq ki, Mixail Şumaxer bir neçə ay öncə xizək sürdüyü zaman yıxılaraq ağır xəsarət almışdı. Köməkçisi yerimə qabiliyyətini itirən idmançının getdikcə sağaldığını deyir.(axar.az)