Taliblər 12 nəfərin başını kəsdi

Radikal yönümlü “Taliban” hərəkatının silahlıları Əfqanıstanın şərqində, Qəznə vilayətində 12 dinc sakinin başını kəsib, təxminən 60 yaşayış evini yandırıblar.

AzNews.az xəbər verir ki, taliblərin qurbanları polis əməkdaşlarının qohumları olub. Hücum cümə gününə keçən gecə baş verib.

İraq və Suriyada fəaliyyət göstərən "islamçılar"ın son zamanlar həyata keçirdikləri edamlar böyük ictimai rezonans doğurub. "İslam Dövləti"nin silahlıları bir neçə qərb jurnalistinin başını kəsib, edamı əks etdirən video görüntüləri internetdə paylaşıblar.
Silahlılar bildiriblər ki, onların fəaliyyəti London və Vaşinqtonun "İslam dövləti"nə qarşı apardığı əməliyyata cavabdır.


Aydan Axundova
AzNews.az