Poroşenko - 1000 hərbçi azad edilib

“Atəşkəs dövrü ərzində ölkənin şərqində mindən çox ukraynalı hərbçi azad edilib”.

AzNews.az xəbər verir ki, bu haqda informasiyanı Ukrayna prezidenti Petro Poroşenko yayıb."Atəşkəs qüvvəyə minəndən mindən çox ukraynalı əsirlikdən evinə dönüb. Biz etibarlı müdafiə xəttini qurmağı bacara bildik. Biz bu gün şəhərlərimizin, kəndlərimizin və qəsəbələrimizin təhlükəsizliyini təmin etməyə qadirik", - deyə Poroşenko jurnalistlərə bildirib.

Prezident qeyd edib ki, xüsusi diqqət Mariupolun müdafiə və təhlükəsizliyinə ayrılıb.
"Mariupol Ukraynanın olub və olacaq", - deyə Poroşenko bəyan edib.

Daha əvvəl şənbə günü Poroşenko Twitter-də Ukraynanın şərqində rusmeylli separatçılar tərəfindən girov götürülmüş 12 hərbçinin azad edilməsi haqqında yazıb.