5 nəfər öldü 5 nəfər öldü

Suriya mərmisi Türkiyə ərazisinə düşdü

5 nəfər öldü



Bu gün Suriya ərazisindən atılan top mərmisi Türkiyənin Şanlıurfa vilayətinin Suriya ilə həmsərhəd Akçakale qəsəbəsinə düşüb. APA-nın Türkiyə xəbər agentliklərinə istinadən verdiyi məlumata görə, hadisə nəticəsində ölənlər və yaralananlar var.

Əvvəlcə 3 nəfərin öldüyü, 9 nəfərin yaralandığı xəbəri yayılıb. Lakin hakim Ədalət və İnkişaf Partiyasının (AKP) millət vəkili Xəlil Özcan 5 nəfərin öldüyünü, 13 nəfərin yaralandığını açıqlayıb.

O bildirib ki, ölənlərdən 4-ü uşaq, 1-i qadındır. Yaralılar xəstəxanalara çatdırılıb. Yerli hakimiyyət orqanları Akçakale sakinlərini sərhəd zonasından uzaqlaşmağa çağırıb. Qeyd edək ki, Suriyanın Türkiyə ilə həmsərhəd rayonlarında ordu ilə silahlı müxalifət qrupları arasında döyüşlər gedir.

AzNews.az