NATO-nun 6 gəmisi Qara dənizə daxil oldu

NATO-nun 6 gəmisi bu gün Qara dəniz sularına daxil olub.

AZNEWS.AZ xəbər verir ki, bu haqda məlumatı NATO-nun mətbuat xidməti yayıb.

Məlumata görə, gəmilər Bolqarıstan, Rumıniya və Türkiyə Hərbi-dəniz qüvvələrinin birgə keçirdiyi təlimlərdə iştirak edəcək.

Gəmilərin hansı ölkələrə məxsus olduğu da açıqlanıb: Vicksburg (ABŞ), Fredericton (Kanada), Turgutreis (Türkiyə), Spessart (Almaniya), Aliseo (İtaliya) və Regina Maria (Rumıniya).

Xatırladaq ki, ABŞ-ın "USS Cole (DDG-67)" adlı raket gəmisi də fevral ayının 8-də Qara dənizə daxil olub.