“Gündə 5 dəfə namaz qılmaq çox çətindir” – Barak Obama (VİDEO)

“ABŞ-ın problemləri ilə məşğul olub eyni zamanda namaz qılmaq çox çətindir”.


AZNEWS.AZ xəbər verir ki, bu fikirləri ABŞ prezidenti Barak Obama müsəlman olduğu iddialarına cavab verərkən deyib.

Ötən şənbə Ağ Ev müxbirlərinə bir axşam yeməyi verən Obama bildirib ki, ABŞ prezidenti olmaq heç də asan iş deyil: "Hazırda miqrasiya sistemindəki çatışmazlığı aradan qaldırmaq, Konqresə veto qoymaq və İranla müzakirəni davam etdirmək məcburiyyətindəyəm. Bunları edərkən, bir tərəfdən də gündə beş dəfə namaz qılmağa vaxt ayırmalısan".

Qeyd edək ki, onun bu sözləri zalda böyük gülüşə səbəb olub.

2012-ci ildə aparılan bir araşdırmada məlum olub ki, Obamanın Keniyadakı əcdadları müsəlman olub.

Bu iddialara cavab verən Obama isə xristian olduğunu açıqlayıb və soyadındakı "Hüseyn" sözünü işlətməkdən imtina edib.