• Fanat
  • 25 Yanvar 2019 10:44
  •  437

Məşhur baş məşqçi Çin yığmasından getdi

Məşhur baş məşqçi Marçelo Lippi futbol üzrə Çin milli komandasını tərk edib.

İtaliyalı mütəxəssis bu addımı Asiya Kubokunun 1/4 finalında İrana 0:3 hesabı ilə uduzduqları oyundan sonra atıb. O, müqaviləsi bitdiyi üçün yığmadan ayrıldığını bildirib.

Daha əvvəl Lippi klubların baş məşqçisi olmaq istəmədiyini açıqlayıb. 71 yaşlı mütəxəssis 2019-cu ildə məşqçilik karyerasına son verməsinin mümkünlüyünü də dilə gətirib.

Qeyd edək ki, Marçello Lippinin rəhbərliyi altında İtaliya millisi 2006-cı ildə dünya çempionu olub.(report.az)

© AzNews.az