Azərbaycan Güləş Federasiyası bu qərara etiraz edəcək Azərbaycan Güləş Federasiyası bu qərara etiraz edəcək
  • Fanat
  • 19 Sentyabr 2019 12:32
  •  1 261

Güləşçimizi uduzduranlarla bağlı qərar... - Dünya Çempionatında qalmaqal

Azərbaycan Güləş Federasiyası bu qərara etiraz edəcək

Qazaxıstanın paytaxtı Nur-Sultanda keçirilən dünya çempionatında Azərbaycanı təmsil edən sərbəst güləşçi Hacı Əliyevə qarşı haqsızlığa yol verən hakimlər cəzalandırıla bilər.

Bu sözləri rusiyalı rəqibi Hacımurad Rəşidovla üz-üzə gələn sərbəst güləşçimiz Hacı Əliyevə qarşı haqsızlıq edilməsi barədə danışan Azərbaycan Güləş Federasiyasının mətbuat katibi Sərxan Musalı deyib.

O bildirib ki, federasiya bu qərara etiraz edəcək:

“Bəli, Hacı Əliyevə 2 və ya 4 xal verilə bilərdi. Ancaq videoya baxdıqdan sonra hakimlər rəqibə 1 xal verdi. Nəticədə Hacı Əliyev 2:4 hesabıyla uduzdu. Yəqin ki, rəhbərlik səviyyəsində etiraz ediləcək. Ən azı haqsız qərar verən hakimlər cəzalandırıla bilər. Bunu zaman göstərəcək”.

Qeyd edək ki, ilk hissəsində hesabda geri düşən Əliyev ikinci yarıda vəziyyəti öz xeyrinə dəyişib - 2:1. Sona doğru Rəşidov önə çıxıb - 3:2. Bununla belə, Əliyev daha 2 fəndlə önə keçməyi bacarıb. Lakin Rusiya tərəfinin etirazından sonra videotəkrara baxılıb. Nəticədə Əliyevin 2 xalı silinib. Hakimlərin qərarı ilə azərbaycanlı pəhləvan uduzdurulub - 2:4.

Qərardan narazı qalan Əliyev qırmızı vərəqəni hakimlərə tərəf göstərib. Hakimlər isə ona qırmızı vərəqə göstərərək diskvalifikasiya ediblər. Bundan sonra Hacı Əliyev hakimlərin üzərinə getmək istəyib və polislər onu saxlayıb. (Axar.az)