• Fanat
  • 29 Dekabr 2019 04:46

“Monako” Jardimanı ikinci dəfə baş məşqçi vəzifəsindən azad etdi

Klub 42 yaşlı Moreno ilə 2022-ci ilə qədər müqavilə bağlayıb

“Monako”nun rəhbərliyi Leonardu Jardimanı komandanın baş məşqçisi vəzifəsindən azad edib.

Bu barədə klubun rəsmi saytında məlumat verilib.

“Monako”nun yeni baş məşqçisi Robert Moreno təyin edilib. Klub 42 yaşlı Moreno ilə 2022-ci ilə qədər müqavilə bağlayıb.

Qeyd edək ki, Jardima “Monako” komandası ilə yanvarın sonundan əməkdaşlıq edirdi. Bu, Leonardunun kluba baş məşqçi postuna ikinci gəlişi idi.