İtkin düşmüş turistlərin axtarışı davam edir

Artıq üçüncü gündür ki, Çilidə üç turistin axtarışları davam edir. Onlar Latın Amerikasının ən aktiv vulkanlarından birinə ekspedisiya zamanı itkin düşüblər.

AzNews.az-ın Çili mətbuatına istinadən verdiyi xəbərə görə, itkin düşənlərin biri 32 yaşlı Rusiyalı Dmitri Sivenkov, digərləri isə 25 yaşlı fransız və eyni yaşlı italyandır.
Onlar Vilyarika vulkanına ekspedisiyaya yollanıblarmış.

Noyabrın 7-də turistlərdən biri son dəfə olaraq sevgilisinə zəng edərək artıq qaranlıq düşdüyünü və yatmağa hazırlaşdıqlarını deyib. O vaxtdan turistlərdən xəbər yoxdu.

Həmin gecə hava birdən pisləşib və qar yağıb. Turistlərin axtarışına itkin düşmüş italyanın ailəsi tərəfindən xərcləri ödənilən helikopter də qoşulub.

İnci

AzNews.az