Özünü yandıran qadının vəziyyəti ilə bağlı açıqlama: “Bədəninin 50 faizi yanıb”

Respublika Yanıq Mərkəzi Şəmkirdə özünü yandıran 38 yaşlı qadının səhhətinə aydınlıq gətirib.

Mərkəzdən AzNews.az-a verilən məlumata görə, Sevinc Hüseynova xəstəxananın reanimasiya şöbəsinə yerləşdirilib:

“Vəziyyəti çox ağırdır. Xəstə 2-3-cü dərəcəli alov yanığı diaqnozu ilə xəstəxanaya gətirilib.”

Şəmkir Rayon Mərkəzi Xəstəxanasının baş həkimi Ayaz İbrahimov isə Sevinc Hüseynovanın vəziyyətinin yaxşı olduğunu qeyd edib:

“Biz yanıq xəstələrini burada saxlamırıq. Bədən səthinin 50 %-i yanıq idi. Onu burada saxlamaq olmazdı. Vəziyyətinə görə onu Bakıya Yanıq Mərkəzinə aparıldı.”

Şəmkirdə 38 yaşlı Sevinc Hüseynova üzərinə benzin tökərək özünü yandırıb.

Bahar RÜSTƏMLİ

AzNews.az