Bayılda sürüşməni müşahidə etmək üçün yeni cihazlar quraşdırılacaq

Səbail rayonu ərazisində - Bayıl yamacında sürüşmə sahəsindəki çatlarda ciddi dəyişiklik müşahidə olunmur. Hazırda vəziyyət stabildir.

Bu barədə "azərtac"-a Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji Planalma Ekspedisiyasının rəisi Əziz Qaralov məlumat verib.

Ekspedisiya rəisi bildirib ki, yaxın günlərdə ən kiçik tərpənişləri belə qeydə almaq üçün ərazidə yeni cihazlar olan topoqrafik reperlər quraşdırılacaq.