3 maşın toqquşdu: 4 yaralı-FOTO

Bakının Nərimanov rayonunda 4 nəfərin yaralanması ilə nəticələnən yol qəzası baş verib.

Nərimanov Rayon Polis İdarəsindən APA-ya verilən məlumata görə, Həsən Əliyev küçəsində "Prado", "Mercedes" və "BMW X5" markalı avtomobillərin toqquşması nəticəsində həmin maşınlarda olan 4 nəfər müxtəlif dərəcəli bədən xəsarətləri alıb.

Dərhal əraziyə Fövqəladə Hallar Nazirliyinin (FHN) xilasediciləri, Nərimanov Rayon Polis İdarəsinin və Təcili Tibbi Yardımın əməkdaşları gəliblər. Yaralılar xəstəxanaya aparılıb.

Hazırda ərazidə araşdırma aparılır.