- Köhnə - Hadisə
- 28 Mart 2018 13:32
- 3 511
Paytaxtda 2 nəfəri maşın vurdu
Bakıda iki nəfəri maşın vuraraq öldürüb.
Daxili İşlər Nazirliyinin mətbuat xidmətindən AzNews.az-a verilən məlumata görə, martın 27-də saat 22 radələrində Xəzər rayonunun Buzovna qəsəbəsində Göyçay rayon sakini Kamran Baxışov idarə etdiyi “VAZ-21015” markalı avtomobillə yolu keçən 40-45 yaşlı kişini vurub və nəticədə həmin şəxs hadisə yerində ölüb.
Piyadanın vurulması ilə nəticələnən daha bir yol-nəqliyyat hadisəsi isə paytaxtın Sabunçu rayonunun Sabunçu qəsəbəsində qeydə alınıb. “KamAZ” markalı avtomobillə yolu keçən paytaxt sakini Cəmilə Salahova vurulub və nəticədə piyada hadisə yerində ölüb.
Sabunçu Rayon Polis İdarəsinin 12-ci Polis Şöbəsi əməkdaşları tərəfindən yol-nəqliyyat hadisəsini törətməkdə şübhəli bilinən sürücü - Bakı şəhər sakini, əvvəllər məhkum olunmuş Zaur Musayev saxlanılıb.
