Sankt-Peterburq-Qəbələ aviareysi təxirə salındı

Rusiyanın "VIM-Avia" şirkətinin Sankt-Peterburq-Qəbələ aviareysi üzrə bu günə planlaşdırılan birbaşa uçuşları təxirə salınıb.

Bu barədə "APA-Economics"ə AZAL-ın xidmət rəisi Məhərrəm Səfərli məlumat verib.

Onun sözlərinə görə, bu istiqamət üzrə uçuşlar sentyabrın 12-dən etibarən yerinə yetiriləcək.

Qeyd edək ki, hazırda Azərbaycanın bölgələrində yerləşən hava limanlarından bir sıra beynəlxalq aviareyslər üzrə uçuşlar həyata keçirilir. Belə ki, Naxçıvandan İstanbul və Moskva ("Vnukovo" aeroportuna), Gəncədən İstanbul, Novosibirsk, Sankt-Peterburq və Moskva ("Vnukovo" və "Domodedovo" aeroportlarına), Lənkərandan isə Surqut, Moskva ("Domodedovo" aeroportuna) və Sankt-Peterburq şəhərlərinə birbaşa uçuşlar yerinə yetirilir.

AzNews.az