İmişlidə faciə: 2 uşaq yanaraq öldü

İmişli rayonunda faciəli hadisə baş verib. AzNews.az-ın Fövqəladə Hallar Nazirliyinin rəsmi saytına istinadən xəbərinə görə, rayonun Qaralar kəndində vətəndaşa məxsus ümumi sahəsi 216 kv.m olan 1 mərtəbəli 7 otaqlı evin 3 otağının (tavanı qamışdan olan) yanar konstruksiyaları 42 kv.m sahədə yanıb.

Yanğının kəşfiyyatı zamanı yanmış otaqların birində ev sahibinin övladları - 1999-cu il təvəllüdlü Şəmmədova Aytac Mehman qızının və 2003-cü il təvəllüdlü Şəmmədov İsmayıl Mehman oğlunun meyitləri aşkar olunub. Evin qalan hissəsi yanğından mühafizə olunub.

Yanğın saat 08:16-da yanğınsöndürənlər tərəfindən söndürülüb.

AzNews.az