Gəncədə yanğın baş verib.

Gəncədə yanğın baş verib. Fövqəladə Hallar Nazirliyi Dövlət Yanğından Mühafizə Xidmətinin Gəncə şəhər Yanğından Mühafizə İdarəsindən APA-nın qərb bürosuna verilən məlumata görə, yanğın bu gün saat 11.22 radələrində şəhərin Heydər Əliyev prospektində beşmərtəbəli yaşayış binasının damında baş verib. Sahəsi 600 kvadratmetr olan dam örtüyünün 35 kvadratmetri yanıb.
Yanğınsöndürənlərin səyi nəticəsində alovun çardağı tamamilə bürüməsinin qarşısı alınıb. Məlumata görə, hadisə yerinə 5 yanğınsöndürən maşın cəlb edilib, alov digər əraziyə yayılmadan qarşısı alınıb.
Yanğının başvermə səbəbi hələlik məlum deyil. Faktla bağlı tədqiqat aparılır.

AzNews.az