İranda güclü zəlzələ baş verib

İranın Hörmüzqan vilayətində güclü zəlzələ baş verib.

APA-nın Tehran Universiteti Geofizika İnstitutu Seysmoloji Xidmət Mərkəzinin saytına istinadən verdiyi məlumata görə, təbii fəlakətin episentri İranın Hörmüzqan vilayətinin Gövhəran şəhəri olub. 5.5 bal gücündə olan zəlzələ fevralın 2-də Bakı vaxtı ilə saat 18:26-da yerin 8.3 km dərinliyində meydana gəlib.

Təbii fəlakət Gövhərandan (Hörmüzqan) 15 km, Manucandan (Kirman) 85 km və Qaləgəncdən (Kirman) 88 km uzaqlıqda baş verib. Dağıntı və tələfat yoxdur. Hazırda bölgədə kiçik təkanlar davam edir.


AzNews.az