İsaxanlının qızından yeni açıqlama: "Videodakı mən deyiləm"

"Xəzər" Universitetinin rektoru Hamlet İsaxanlının qızı Ülkər İsayeva döyülməsi ilə bağlı yayılan video barədə yazıb.



AzNews.az xəbər verir ki, Ü.İsayeva Facebook hesabında yazdığı statusda yayılan məlumatların və videonun ona aid olmadığını bildirib.

"Əziz dostlarım və "dostlarım", hörmətli adekvat və qeyri-adekvat pressa işçiləri, heç nədən xəbəri olmayaraq pressada verilən informasiyanın nə dərəcədə düzgün olub-olmadığını bilmədən ağzını qara açan millətə üz tutub demək istəyirəm ki, həmin videonun mənə və məniç ailəmə heç bir aidiyyatı yoxdur. Mən heç kəs tərəfindən döyülməmişəm".

Ülkər İsayeva ona dəstək göstərən hər kəsə təşəkkürünü bildirib.

Qeyd edək ki, bu gün məlum məsələ ilə bağlı Apellyasiya Məhkəməsi keçirilib.